CIHNAVÊN PIRSYARÎ
3. Bêjeya "çi"yê ji bo pirsîna biker yan jî berkarên nemirov tê bikaranîn.
- Çûk firîyan.
- Çi firîyan? (dema borî, bikerê dipirse)
- Pisîk şîrî vedixwe.
- Çi şîrî vedixwe? (dema niha, bikerê dipirse)
- Me zebeş xwar.
- Me çi xwar? (dema borî, berkarê dipirse)
- Ez avê vedixwim.
- Ez çi vedixwim? (dema niha, berkarê dipirse)
4. Cihnava "ku"yê digel pêşdaçek û bazinedaçekan û carinan jî bi bêjeya "der"ê ra tê bikaranîn û navên cihan dipirse.
- Ew li malê ne.
- Ew li ku ne? / Ew li ku derê ne?
- Ez ber bi bazarê ve diçim.
- Ez ber bi ku ve diçim? / Ez bi ku derê ve diçim?
- Mişk di kuna xwe da ne.
- Mişk di ku da ne? / Mişk di ku derê da ne?
- Em ji zanîngehê dihatin.
- Em ji ku dihatin? Em ji ku derê dihatin?