CIHNAVÊN PIRSYARÎ
Bêjeyên ku bi rêya pirsînê cihê navan digirin cihnavên pirsyarî ne. Kî, kê, kîjan, kîjanî, kîjanê, kîjanan, çi û ku ji van in.
1. Cihnavên "kî" û "kê"yê ji bo pirsîna mirovan tên bikaranîn.
a) Cihnava "kî"yê di demên niha û dahatî da, ji bo bikerê tê bikaranîn.
| Heval nanî dixwe. | Kî nanî dixwe? |
| Gundî dê ji sûkê bên. | Kî ji sûkê hatin? |
b) Cihnava "kî"yê di demên borî da ji bo berkarê tê bikaranîn.
| Me mamosta dît. | Me kî dît? |
| Wan Serdar nas nekir. | Wan kî nas nekir? |
c) Di demên borî da eger kara hevokê têneper be, ji bo pirsîna bikerê dîsa "kî" tê bikaranîn.
| Ew çû malê. | Kî çû malê? |
| Tu li malê raketibûyî. | Kî li malê raketibû? |
d) Cihnava "kê"yê di demên niha û dahatî da, ji bo berkarê tê bikaranîn.
- Heval Rojdayê dibîne.
- Heval kê dibîne?
- Gundî dê wî bipejirînin.
- Gundî dê kê bipejirînin?
e) Cihnava "kê"yê di hevokên demên borî da, eger kara hevokê têper be, ji bo bikerê tê bikaranîn.
| Me mamosta dît. | Kê mamosta dît. |
| Wan Serdar nas nekir. | Kê Serdar nas nekir? |