ezbenî, tenduristîya çavan, tîrêjên rojê, rasterast, dema ku hewce bike, berçavkên tavê, toz û dûman, egzersizên çavan, di cih da
li televîzyonê temaşe kirin, mijûlî kompîterê bûn, westandin, çûn cem pizişkî, pêşnîyaz kirin
Divê em çi bikin? Tiştekî baş e. Divê em bi cih bînin. Her bijîn xwendekarino!
RÊZIMAN: NAVÊN PIRHEJMAR
pirhejmarîya navan di ravekê da
pirhejmarkirina ravekirîyê: paşgira "-ên"ê
pirhejmarkirina ravekerê: paşgira tewangê "-an"ê
"-an"a paşgira tewangê di hevokê da
TENDURISTÎYA ÇAVAN
Mamosta: Xwendekarino! Ji bo tenduristîya çavan divê em çi bikin?
Zelal: Mamosta, divê em li televîzyonê zêde temaşe nekin.
Kerem: Herweha divê em zêde xwe mijûlî kompîterê jî nekin.
Hisên: Xwendina pirtûkan tiştekî baş e. Lê dîsa jî divê mirov çavên xwe zêde newestîne û carinan bêhna xwe vede.
Delal: Ezbenî, tîrêjên rojê jî carinan zerarê didin çavan. Ji ber vê, divê em rasterast li rojê nenêrin û dema ku hewce bike, em berçavkên tavê bi kar bînin.
Ferat: Mamosta, toz û dûman jî zerarê didin çavan. Loma divê em çavên xwe ji wan jî biparêzin.
Xezal: Dema ku çavên me biêşin divê em biçin cem pizişkî. Pizişk çi pêşnîyaz bike divê em wê bi cih bînin.
Rûken: Divê em egzersizên çavan bikin.
Şivan: Xewa zêde û kêm jî ji bo çavan ne baş e.
Mamosta: Her bijîn xwendekarino! Hemû tiştên ku hûn dibêjin di cih da ne.
