TEMA: DANÛSTANDIN LI ÇARŞÎYÊ

• dikana duyem, kolana sêyem
• sê kîlo firingî, du kîlo xîyar,
• kîloyek goştê hêrayî
• Tu dikarî çar kîlo goşt bikêşî?
• Kerem bike/bikin.
• ji kerema xwe
• sê sed û pêncî lîre

RÊZIMAN: HEVALNAVÊN HEJMARÎ

• cureyên hevalnavên hejmarî
• hevalnavên hejmarî yên resen
• hevalnavên hejmarî yên rêzîn

DANÛSTANDIN LI ÇARŞÎYÊ

• Cemal û bavê wî Mîrza, ji bo danûstandinê diçin çarşîyê.
• Cemal: Bavo! Tu baştir dizanî, ji bo sebzeyan em biçin kîjan dikanê?
• Mîrza: Dikana duyem gelekî baş e. Sebzeyên wê jî teze ne.
• Cemal: Merheba. Tu dikarî sê kîlo firingî, du kîlo xîyar û kîloyek jî bîber bikêşî?
• Dikandar: Kerem bikin. Bihayê wê, çil lîre ye.
• Mîrza: Em niha jî biçin qesabxaneyê.
• Cemal: Kîjan qesabxane?
• Mîrza: Li kolana sêyem qesabxaneyeka baş heye. Em biçin wir.
• Cemal: Bavo, dêya min goştê hêrayî jî xwastibû. Em ji bîr nekin.
• Mîrza: Merheba, ji kerema xwe kîloyek goştê hêrayî, du kîlo goştê nerme, sê kîlo jî goştê berxan bide me.
• Qesab: Kerem bikin, dike sê sed û pêncî lîre.
• Mîrza: De em biçin dikana çerezan jî. Li wê derê divê em hinek nok, bindeq, mewîjên reş, benî, hêjîr û dendikên zebeşan bikirin.
• Cemal: Baş e, bavo. Piştra jî em biçin firinê. Dêya min gotibû şeş nanan bikirin. Lê em hinekî lez bikin baş e. Em dereng mane.