HEVALNAVÊN NÎŞANÊ

Hevalnavên nîşanê tişt, ajel yan jî kesan destnîşan dikin. Du hevalnavên nîşanê hene: "ev" û "ew". Ev hevalnav berî navan tên bikaranîn.

• ev: ji bo kes, ajel û tiştên nêzîk
• ew: ji bo kes, ajel û tiştên dûr

1. Ev hevalnav eger yekhejmar bin, pêveber paşgira yekhejmarîyê "-e"yê werdigire.

• Ev xwendekar diaxive.
• Ew xwendekar diaxive.

2. Ev hevalnav eger pirhejmar bin, pêveber paşgira pirhejmarîyê "-in"ê werdigire.

• Ev xwendekar diaxivin.
• Ew xwendekar diaxivin.

3. Dema ku tên tewandin li gor zayend û hejmarê dikevin van forman:

Nêzîk

• ev + î : vî
• ev + ê : vê
• ev + an : van

Dûr

• ew + î : wî
• ew + ê : wê
• ew + an : wan

• Vî dengbêjî stranek got.
• Vê dengbêjê stranek got.
• Van dengbêjan stranek got.
• Wî dengbêjî stranek got.
• Wê dengbêjê stranek got.
• Wan dengbêjan stranek got.