ZAYEND DI HEVOKÊ DA

Zayenda navan di nava hevokê da dîyar dibe. Paşgira tewangê "-î" navên nêr, paşgira tewangê "-ê" jî navên mê nîşan dide.

• Ez mastî dixwim.
• Ez keçikê dibînim.
• Şivanî ji min ra got.
• Keçikê ji min ra got.
• Rohatî nan xwar.
• Rojdayê nan xwar.
• Em Ferhadî nas dikin.
• Em Rojdayê nas dikin.

Hişyarî 1

Li hin deveran navên nêr ku di nav wan da dengdêrên "a" yan jî "e"yê hene, paşgira "-î"yê nagirin. Di şûna "a" yan jî "e"ya navê da, dengdêra "ê"yê tê bikaranîn. Eger di bêjeyekê da hem "a" hem "e" hebe, ya dawî dibe "ê".

• Ez mastî dixwim. dibe Ez mêst dixwim.
• Mistefayî bang kir. dibe Mistefê bang kir.
• Ew agirî ditefîne. dibe Ew êgir ditefîne.

Hişyarî 2

Li hinek deveran tewanga navên nêr rabûye û ev nav bi awayekî xwerû tên bikaranîn.

• Rizgarî name nivîsî. dibe Rizgar name nivîsî.
• Em şivanî nas dikin. dibe Em şivan nas dikin.