TEMA: XURŞÎD FÊRÎ RENGAN DIBE

• pêşdibistan, mijar, amadekarî, navên rengan, reng, rengîn, siruşt, bi van, cuda
• dewlemend bûn, nas kirin, fêr kirin, nîşan dan
• mişmiş, pîvazterk, bacan
• spî, reş, sor, pembe, şîn, kesk, zer, binefşî, porteqalî, qehweyî
• Kerem bike. Ka bibêje. De bibêje.
• Ev çi reng e? Ev çi ye? Gelo ev çi reng e? Rengê wê sor e. Ew reş e.
• Baş e. Aferîn! Nexêr. Her bijî! Te rast got.
• Kêfa min jê ra tê.

RÊZIMAN: CIHNAVÊN NÎŞANÊ

• cihnavên nîşanê ji bo kes, ajel û tiştên nêzîk
• cihnavên nîşanê ji bo kes, ajel û tiştên dûr
• bikaranîna cihnavên nîşanê di hevokê da
• tewandina cihnavên nîşanê û bikaranîna wan

XURŞÎD FÊRÎ RENGAN DIBE

• Xurşîd, zarokekî biçûk e û diçe pêşdibistanê. Sibeh mijara dersa wan navên rengan e. Dêya wî Gulîzar jî ji bo amadekarîyê, wî fêrî rengan dike.
• Gulîzar: Kurê min, ez dê hin tiştan nîşanî te bidim, tu jî rengên wan ji min ra bibêje.
• Xurşîd: Kerem bike dayê.
• Gulîzar: Rengê vê gulê çi ye?
• Xurşîd: Rengê wê sor e.
• Gulîzar: Ka bibêje, ev çi ye?
• Xurşîd: Ev firingî ye.
• Gulîzar: Aferîn! Rengê wê çi ye?
• Xurşîd: Rengê wê jî mîna gulan sor e.
• Gulîzar: Aferîn! Xurşîd ew jî pîvazterk e. De bibêje rengê wê çi ye?
• Xurşîd: Şîn e.
• Gulîzar: Nexêr, kurê min, ew ne şîn e, kesk e. Ev jî bacan e. Gelo ev çi reng e?
• Xurşîd: Ew reş e.
• Gulîzar: Her bijî! Te rast got.
• Xurşîd: Dayê, rengê van pembe ye?
• Gulîzar: Na kurê min ew mişmiş in, rengê wan zer e.
• Xurşîd: Dayê, çima rengê her tiştî cuda ye?
• Gulîzar: Kurê min, her tişt bi rengê xwe tê naskirin û siruşt bi van rengan dewlemend dibe.
• Xurşîd: Baş e ku rengê her tiştî cuda ye, kêfa min ji tiştên rengîn ra tê.